Siglir tar il cuntegn

Header

audio
Radons duai era vegnir ennavà
Or da Actualitad dals 01.10.2021.
laschar ir. Durada: 3 minutas 2 Secundas.
cuntegn

Savognin Project d’ennavar Radons vegn persequità vinavant

Las pendicularas da Savognin vulan ennavar il territori da skis da Radons. Actualmain èn ellas en tractativas cun possessurs da terren e cun auters involvids. Las pendicularas quintan cun investiziuns tranter 25 e 35 milliuns francs. Co che quai duai vegnir finanzià n’è betg anc cler.

Sco quai che Markus Schröcksnadel, il president dal cussegl d’administraziun da las Pendicularas da Savognin ha ditg, na dettia anc nagin termin, cura ch’ins veglia realisar il project. L’emprim stoppia vegnir sclerì, sch’i dettia ina u pliras etappas, il mument saja memia baud da specular sur d’in termin. Gia sclerida è la dumonda da l’aua. Sco quai che Leo Thomann, il president communal da Surses ha ditg, haja la vischnanca sclerì cun las Ovras electricas da Turitg sch’i saja pussaivel da retrair aua dal aual Schletg, ch’è sut Radons. Tenor la EWZ saja quai pussaivel, ha ditg Thomann.

Il territori da skis da Savognin.
Legenda: Il territori da skis da Savognin. Savognin.ch

RTR actualitad 17:00

Artitgels legids il pli savens