Siglir tar il cuntegn

Header

cuntegn

Savognin Pendiculara nova è bainspert pronta

Questa stad han las Pendicularas da Savognin construì ina nova pendiculara cun gondlas che porschan plaz a mintgamai 10 persunas. Ella remplazza la sutgera e va da Savognin a Tigignas. Las lavurs da construcziun èn s’avanzadas tenor plan.

video
Savognin ha ina nova pendiculara – ils ultims tests marschan
Or da Telesguard dals 18.11.2019.
laschar ir. Durada: 3 minutas 33 Secundas.

La bilantscha da las Pendicularas da Savognin SA è positiva:

Las lavurs da construcziun han funcziunà fitg bain – la collavuraziun cun tut las firmas involvidas è stada stupenta ed i n’ha dà nagins incaps pli gronds.
Autur: Curdin Baltermia Directur tecnic

In dals puncts culminants è stà questa stad, cura ch'in helicopter dal tip Kamov ha sgulà las pitgas. Avant curt èn vegnids fatgs tests dals frains e proximamain vegn l’Uffizi federal da traffic a prender giu la nova pendiculara. La festa d’inauguraziun da la nova pendiculara è ils 14 da december. Sch’igl ha avunda naiv alura avra il territori da skis gia ils 7 da december.

audio
Mezdi: Ultims tests vi da la pendiculara nova a Savognin
ord Actualitad dals 18.11.2019.
laschar ir. Durada: 3 minutas 14 Secundas.

Datas tecnicas:

  • Interpresa da construcziun: Leitner
  • Autezza da la staziun da val: 1168 meters sur mar
  • Autezza da la staziun da muntogna: 1591 meters sur mar
  • Lunghezza inclinada: 1618 meters
  • Differenza d’autezza: 423 meters
  • Temp da viadi cun sveltezza maximala: 4 minutas 30 secundas
  • Capacitad da transport: 2000 persunas per ura

RR actualitad 11:00

Artitgels legids il pli savens