Savognin - Hotel Piz Mitgel: Surdà las clavs - Novitads

Savognin Hotel Piz Mitgel: Surdà las clavs

En il hotel Piz Mitgel a Savognin èn vegnidas surdadas las clav als novs gestiunaris Marlies e Michael Gehring. Els manavan enfin tar sia serrada pervi da corona l'hotel Alpina a Tschiertschen. Cun la surdada ha la lunga tschertga dal hotelier Sepp Waldegg per ina successiun ussa prendì ina fin.

Autur: Federico Belotti

L’hotel da tradiziun duai quest onn vegnir renovà e transmidà en in hotel da quatter stailas. Sche tut va bain saja l’avertura planisada per la proxima stagiun d’enviern. Quai ha la fundaziun Piz Mitgel che posseda da nov il hotel communitgà en in livestream. Ils plans per la renovaziun da l'hotel Piz Mitgel fa l’architect Remo Derungs, che lavura era per la fundaziun Origen, che renovescha l’hotel Liun a Mulegns.