Siglir tar il cuntegn

Header

video
A Savognin avra bainbaud il nov hotel da la «Jufa» sias portas
Or da Telesguard dals 30.04.2021.
laschar ir. Durada: 3 minutas 42 Secundas.
cuntegn

Savognin Hotel nov stat curt avant l’avertura

Mez da zercladur avra il hotel da la «JUFA Hotels» sias portas a Savognin. Quai è l’emprim hotel che la gruppa austriaca vegn a manar en Svizra. En tut posseda la chadaina d'hotels passa 60 hotels en l’Austria, Germania, Ungaria ed en il Liechtenstein.

Las lavurs dal hotel da trais stailas superiur s'avanzan tenor plan, il mument vegnan fatgas las lavurs dal equipament interiur. I vegn a dar 72 chombras cun bler lain. Dasper ina gronda ustaria publica, il hotel cumpiglia er ina zona da wellness, ina stanza da fitness, locals da seminaris ed in’infrastructura per uffants.

audio
Savognin: Nov hotel «Jufa» avra bainbaud – las spetgas dal directur
ord Actualitad dals 30.04.2021.
laschar ir. Durada: 3 minutas 17 Secundas.

Per la JUFA Hotels (Jugend- und Familienhotels), è quai l’emprim hotel che la chadaina da hotels maina en Svizra. Gerhard Wendl, il fundatur e manader da fatschenta dals JUFA Hotels, è led da pudair fitgar pè en Svizra. Or da l’experientscha dad autras averturas da hotels quinta el cun ina bun’entschatta a Savognin.

Radund 7’000 fin 10’000 persunas pernotteschian mintgamai en in nov hotel, perquai ch’els enconuschian gia la chadaina a da hotels, ha Wendl ditg.

RTR Actualitad 12:00

Artitgels legids il pli savens