Siglir tar il cuntegn

Header

cuntegn

Savognin Hotel Arlos sa dasda ord la sien

Tschintg onns è el stà serrà: L'hotel Arlos da manaivel da las pendicularas da Savognin. Il mument vegnan fatgas anc las davosas renovaziuns, uschia che l'hotel duess pudair avrir l’october da quest onn.

Atgnamain aveva il possessur da l'hotel Arlos, Albert Hengartner, tschertgà in fittadin per l’hotel. Perquai ch’el n’ha dentant betg chattà in fittadin adattà, vegn el uss sez ad engaschar in pèr da l’Ungaria che vegn a manar l’hotel.

L’hotel duess porscher 10 chombras ed ina cuschina plitost simpla. Ils pretschs da l'hotel duessan esser uschè auts, ch’era ina famiglia po sa prestar quels. En la regiun è Albert Hengartner enconuschent sco patrun da l’ustaria Roggi’s Baizli, che vegn ussa manada da ses figl.

audio
Reaverturra da l'hotel Arlos Savognin
ord Total local dals 19.06.2019. Maletg: RTR, Federico Belotti
laschar ir. Durada: 3 minutas 7 Secundas.

RR Total local 11:45

Artitgels legids il pli savens