Siglir tar il cuntegn

Header

Navigaziun

Il Lai Barnagn a Savognin.
Legenda: Datiers dal Lai Barnagn è previsa la surfabricaziun Viols. RTR, F. Belotti
cuntegn

Grischun Central Savognin è memia baud

106 milliuns francs duessan vegnir investids a Savognin en la surfabricaziun Viols. In bogn, in hotel ed 8 chasas cun letgs chauds.

Dal chantun na vegn dentant nagin sustegn finanzial. La dumonda saja vegnida memia baud, di il cusseglier guvernativ Jon Domenic Parolini. La lescha per la promoziun d'economia entria pir il 2016 en vigur.

Ils responsabels da la vischnanca da Savognin han sperà sin questa lescha, e pon anc avant las emprimas lavurs far ina dumonda correspundenta. Tge summa ch’els pon spetgar n'è il mument betg pussibel d’inditgar, ha ditg Parolini. En mintga cas stuess Savognin anc respunder diversas dumondas, sco per exempel tgi che fa la gestiun dal bogn.