Siglir tar il cuntegn
Inhalt

Grischun Central Savognin: Custs dal bogn pericliteschan ressort da vacanzas

Ils planisaders dal ressort da vacanzas «Viols» a Savognin quintan che la construcziun dal bogn public vegn a custar 24 milliuns francs. Ils investiders ch’han gia suttascrit ina decleraziun d’intenziun n’èn il mument betg segirs, sch’igl è pussaivel da finanziar il bogn sco planisà.

La finanziaziun dal bogn cuvert da wellness dat il mument da discutar.
Legenda: La finanziaziun dal bogn cuvert da wellness dat il mument da discutar. mad

Ils 10 da schaner vegn decidì a l’urna, sche la nova vischnanca da Surses vul pajar 4 milliuns francs vi dal bogn, e 400’000 francs ad onn per il manaschi. Plinavant quinta la vischnanca da Surses cun ina contribuziun da 4 milliuns francs dal chantun or da la nova lescha per la promoziun da l’economia. Quai fissan 8 milliuns dal maun public.

Ils desideris pertutgant il bogn ston vegnir reducids. Uschiglio ponderain nus da sa retrair da l’entir project.
Autur: Manfred MoschnerInvestider (Austria)

Sco quai che l’investider principal, Manfred Moschner, ha confermà envers RTR, sajan ils investiders pronts da finanziar 8.5 milliuns francs vi dal bogn. Vul dir che stattan a disposiziun, sche tut va tenor plan 16.5 milliuns francs per il bogn. Budgetà vegn il bogn però cun 24 milliuns francs.

RR actualitad la saira 17:00