Sco quai ch’il president communal da Mesocco, Christian de Tann, ha ditg envers RTR, discutia la vischnanca, la vischnanca da burgaisa ed ils possessurs dals implants, co ch’in avegnir pudess vesair ora. Tenor de Tann sajan franc basegnaivlas investiziuns pli grondas, per puspè pudair manar il manaschi cun gudogn.
audio
L'avegnir da las pendicularas a San Bernardino
ord Actualitad dals 22.05.2020.
laschar ir. Durada: 2 minutas 56 Secundas.
Ina avertura da la pendiculara da San Bernardino sin l’Alpe Confin gia questa stad na saja pervi dal coronavirus betg pussaivla. La fin da l’onn passà ha la San Bernardino Impianti Turistici SA inoltrà tar l’Uffizi federal da traffic ina dumonda da prolungar la concessiun da manaschi. Tenor l’uffizi da traffic saja la procedura però anc pendenta.