Siglir tar il cuntegn

Header

Navigaziun

Juan Carlos, Patrizia Sarpatetti, Anna Serarda Campell, e Paula Nay sin la tribuna suenter la premiera.
Legenda: Juan Carlos, Patrizia Sarpatetti, Anna Serarda Campell, e Paula Nay sin la tribuna suenter la premiera. RTR, Linus Livers
cuntegn

Grischun Central Sala plaina tar premiera dal film cun Patricia Scarpatetti

Blers san tge ch'ella fa, Paula Nay ha filmà e mussà quai.

Patricia Scarpatetti viva cun 36 uffants a San Pèdro Sula en las Honduras, ina da las pli privlusas citads dal mund. Co quai è da viver là mintga di e manar ina chasa d'uffants – quai è en il center dal film da Paula Nay ch'ha gì premiera venderdi saira en a Salouf. In film ch'ha emplenì la sala cun radund 200 persunas.

La halla polivalenta a Salouf bain plaina.
Legenda: Il sustegn che Patrizia Scarpatetti giauda en Surses e admirabel. RTR, Linus Livers

La preschentaziun dal film en la patria da la protagonista Patricia Scarpatetti è stada in gieu da chasa. La halla a Salouf bain plaina ha mussà che la glieud respecta e sustegna la lavur caritativa da Scarpatetti a Honduras. «Mamma per 36 uffants», ina lavur da 7 dis ad emna, 24 uras a di.

Suenter in voluntariat en ina chasa d’uffants a Honduras, è Patricia Scarpatetti turnada a Honduras ed ha fundà in’atgna chasa d’uffants: «Yo quiero ser», nua ch'ella tgira uffants cun biografias per part tragicas. Per «ses» uffants fa ella da tgirunza, psicologa, organisatura, administratura e cumbatta per ils dretgs dals uffants avant dretgira.

Jau sun bain la «mamma per 36 uffants», però mintgin che sustegna è padrin u madritscha, tat u tatta dals uffants.
Autur: Patricia Scarpatettimanadra «Yo quiero ser»

A la premiera ha Patricia Scarpatetti engrazià a tuttas e tuts per il sustegn ch'ella survegn. Pertge mo cun quest sustegn possia ella far sia lavur.

Il film vegn mussà questa dumengia, a las 17:25, sin SRF 1.

RR actualitad 06:00