Siglir tar il cuntegn

Header

Ils Runals Beiva SA han schon gì megliers onns.
Legenda: Ils Runals Beiva SA han schon gì megliers onns. mad
cuntegn

Grischun Central Runals da Beiva cun pli paucs visitaders

Beiva Runals SA ha fatg il davos onn da manaschi 3% pli pauca svieuta che l’onn 2013/14. Las frequenzas èn sa diminuidas per 10%. Quai scriva l’Agentura da novitads rumantscha.

Beiva Runals SA han fatg l’onn da fatschenta 2014/15 in retgav da manaschi da 929’155 francs. Quai è 31’214 francs pli pauc che l’onn da fatschenta avant. Tar las frequenzas hai dà ina reducziun da 10% tar in total da 36’000 persunas. Sco quai che Marco Fasciati, il mainafatschenta da Beiva Runals scriva en il rapport annual 2014/15, sajan ils giasts stads cuntent cun las bunas pistas, era sche la naiv saja vegnida plitost tard.

Donn saja, che tranter Nadal e Bumaun ins haja betg fatg buns affars, uschia che la fin dal 2014 mancavan 100’000 francs en la cassa da la Beiva Runals SA. A partir dals 18 da schaner 2015 sajan las relaziuns stadas optimalas e tuttina na saja betg stà pussaivel da cumpensar qua tras ils dis che sajan stads pli maghers, menziunescha Marco Fasciati.

Dapli da Grischun Centralavrir la Landingpage

Nach links scrollen Nach rechts scrollen