Siglir tar il cuntegn

Grischun Central Rothenbrunnen - punt che traversa l'A13 vegn sanada

La punt che maina datiers da Rothenbrunnen sur l'autostrada A13 e sur il Rain basegna ina sanaziun. Per far lavurs vi da las pitgas stoppian els serrar per in curt temp in vial da l'autostrada, scriva l'Uffizi federal da vias Astra.

punt sur l'A13 datiers da Rothenbrunnen cun puntanadas da bajegiar
Legenda: La punt che maina datiers da Rothenbrunnen sur l'autostrada A13 vegn sanada. Astra
amplas che regleschan il traffic sur la punt datiers da Rothenbrunnen
Legenda: Il traffic sin la via chantunala vegn reglà cun amplas. Astra

Silsuenter sajan omadus vials averts, dentant spustads. Per reglar il traffic sin la via chantunala tranter Rothenbrunnen e Realta èn amplas da traffic en funcziun.

Per evitar colonnas sin l'A13 vegnan las entradas a l'autostrada survegliadas cun detecturs da colonnas.

Las lavurs vi da la punt a Rothenbrunnen duran fin l'october che vegn. La funcziun dal center da controlla per il traffic da camiuns pesants è garantida durant l'entir temp da las lavurs vi da la punt.

RR novitads 14:00