Siglir tar il cuntegn
cuntegn

Grischun Central Rona daventa center da passlung

Il nov center da passlung a Rona po vegnir realisà. La radunanza communala da Surses ha approvà il glindesdi saira ils 1,3 milliuns francs per il traject e l'infrastructura dal nov center da passlung.

Il conturn da Rona l'enviern
Legenda: Il conturn da Rona daventa pli attractiv per far passlung. MAD

Essend Rona sin in'autezza sur mar da 1’400 meters, saja la topografia ideala per realisar in center nordic. Il traject che vegn da nov ennevà artifizialmain è trais kilometers lung. Il project prevesa era da far naiv a Savognin sin in traject da 1,5 kilometers. Da sclerir èn il mument anc dumondas da dretg per manar auter la loipa.

Il credit da 1,3 milliuns francs ch’il suveran da Surses ha approvà glindesdi saira cumpiglia era ina maschina da preparar loipas, diversas punts, in simpel bajetg ed ina garascha, sco era in chanun da far naiv. Tut las lavurs duessan esser finidas en trais onns.

RR actualitad 12:00