Siglir tar il cuntegn

Header

cuntegn

Grischun Central Revista digl noss Sulom remplazza Sulom Grischun Central

Il chalendar per il Surmeir e la Sutselva cumpara per l’emprima giada en nova furma e cun nov num.

Sco quai ch’ils responsabels da la «Revista digl noss Sulom» han infurmà, cumpara suenter bun in onn lavur intensiva il Sulom per l’emprima giada en furma d’in magazin. La Revista digl noss Sulom remplazza il Sulom Grischun Central, che cumpara gia dapi il 1922 e vegn edì da l’Uniun Rumantscha Grischun Central.

audio
Saira: Revista digl noss sulom 2016
ord Actualitad dals 02.12.2015.
laschar ir. Durada: 3 minutas 42 Secundas.

La Revista digl noss Sulom è ina publicaziun moderna che duess carmalar lecturas e lecturs da tut las vegliadetgnas, scriva l’Uniun Rumantscha Grischun Central. Grazia las rubricas sco «ier ed oz», «an tgadafi» u «purtret» dettia quai per la mamma sco era la beadia ina lectura interessanta e captivanta.

Da nov sa cumpona la redacziun da las trais persunas Pia Plaz, Rafael Müller e Dominique Dosch. La redacziun vegn sustegnida da differentas auturas ed auturs che vegnan a scriver alternant per la Revista digl noss Sulom.

Il tema da la proxima Revista digl noss Sulom è «sur cunfegns». Tgi che ha gust da contribuir ad ina furma u l'autra saja adina bainvis, scriva la redacziun. Contact: info@sulom.ch

Artitgels legids il pli savens