Siglir tar il cuntegn
Inhalt

Grischun Central Revisiun dal tunnel Crapteig sin l’autostrada A13 cuntinuescha

A partir da quest’emna vegnan reprendidas las lavurs da revisiun e mantegniment en il tunnel da Crapteig, sin l'autostrada A13. Durant la notg vegn l’autostrada serrada tranter Rongellen e Tusaun sid.

Ina roda da manar en in auto.
Legenda: Ils automobilists ston avair pazienza sin l'A13 tranter Rongellen e Tusaun vegn il tunnel Crapteig sanà. RTR, S. Derungs

Ord quest motiv sto l’autostrada vegnir serrada la notg davent da las 9 e mesa e la damaun da las tschintg e mesa, scriva l’Astra. Il traffic vegn alura svià sur la via chantunala. Las fins d’emna vegnan las lavur interruttas ed il tunnel resta avert. La mesira vegn tenor l’Astra a durar fin il mez da zercladur.

RR novitads 15:00