Renovar mises duai daventar legal

Bleras aclas en il Grischun èn en decadenza. In’incumbensa, inoltrada da Reto Crameri (PCD) e suttascritta da 80 deputadas e deputads a la sessiun dal Cussegl grond dal december, pretenda ch’i duai dar ina midada da la lescha federala.

Dus mises a Tussagn Savognin

Legenda da maletgs: Ina lescha federala definescha, sche e co che mises sco qua a Tussagn/Savognin pon vegnir renovads. RTR, F. Belotti

La lescha Art. 75 da la Constituziun federala definescha las normas da la planisaziun dal territori. Quella lescha prescriva, co e tge bajetgs ordaifer la zona da bajegiar pon vegnir renovads. Uschia è quai per mises ordaifer la zona da bajegiar che na vegnan betg nizzegiads per l’agricultura betg pussaivel, da per exempel far or d’ina stalla in’abitaziun.

L’incumbensa da Crameri propona, che la regenza grischuna duess inoltrar in’iniziativa dal chantun tar il parlament federal. En la proxima sessiun d’avrigl decida il Cussegl grond, sche l’incumbensa duai vegnir surdada a la regenza.