Siglir tar il cuntegn
cuntegn

Grischun Central Regiun Alvra ha elegì nov sviluppader regiunal

Daniel Kunfermann (39) da Domat è il nov sviluppader da la Regiun Alvra ed il Parc Ela. El entra en uffizi l'entschatta favrer. Dieter Müller, l’administratur da l’uniun Parc Ela, ha confermà envers RTR la novitad ch’è cumparida en la Pagina da Surmeir.

Daniel Kunfermann.
Legenda: Daniel Kunfermann. Pagina da Surmeir

La plazza vegn finanziada per ina mesadad cun daners da la nova politica regiunala (NRP) che l’Uffizi per economia e turissem dal Grischun (AWT) metta a disposiziun. L’autra mesadad surpiglia il parc natiral regiunal Parc Ela. Tatjana Horvath vegn a lavurar tenor la finanziaziun mintgamai 40% per la Regiun Alvra e per il Parc Ela.

Daniel Kunfermann è maridà ed ha famiglia. En ses lieu da domicil a Domat è el commember dal cussegl da scola e represchentant da la Partida liberaldemocratica. El è era activ en la PLD chantunala, tranter auter sco webmaster. Il davos ha Daniel Kunfermann lavurà tar l’Armada svizra a Berna.

RR novitads 17:00