Grischun Central - Regenza nominescha cumissari per Bravuogn
La regenza grischuna engascha in cumissari per la vischnanca da Bravuogn. La raschun sajan rinfatschas da la cumissiun da gestiun envers la suprastanza communala, uschia communitgescha la regenza grischuna.
En il center da la dispita stat l'implant da chalur a distanza che vegn manà dapi blers onns en vischnanca. Il cumissari da la regenza vegn ad examinar sche las rinfatschas èn plausiblas. Enfin la fin da matg preschenta quel lura il rapport. Sco cumissari ha la regenza nominà l'advocat da Samedan Thomas Nievergelt.
