Siglir tar il cuntegn

Header

cuntegn

Grischun Central Recurs da Beiva cunter Project «Viols» a Savognin è legal

Tenor l’Uffizi da vischnancas dal Grischun è il recurs da Beiva cunter la votaziun dals 16 da december da Savognin confurm a la lescha. Pervi d’in recurs da Beiva ha la radunanza communala da Savognin betg pudì decider davart ina participaziun da 4 milliuns francs vi dal bogn al lai Barnagn.

audio
Bunura: Lai Barnagn - è il proceder da la vischnanca legal?
ord Actualitad dals 25.11.2015.
laschar ir. Durada: 2 minutas 24 Secundas.

Tenor Simon Theus da l’Uffizi da vischnancas saja quai legitim, che la presidenta communala da Beiva ed ina persuna privata hajan fatg recurs cunter la votaziun da Savognin: «L’entira val duess pudair decider davart il project e betg mo ina singula vischnanca». Damai che Bivio è ina da las nov vischnancas che fusiuneschian sin l’emprim da schaner 2016 saja il recurs confurm a la lescha.

La situaziun è sa midada

Il nov proceder prevesa il suandant: Glindesdi, ils 14 da december decida la radunanza communala constitutiva da la nova vischnanca Surses, sch’ella vul sa participar cun 4 milliuns vi dal bogn cuvert a Savognin. Ultra da quai vegn decidì davart ina participaziun annuala da 400’000 francs vi dals custs dal bogn. Il bogn è ina part dal project che prevesa dasperas il bogn in hotel ed abitaziuns da vacanzas administradas, quai en la dimensiun da 106 milliuns francs.

Nagina votaziun a l’urna

Ina votaziun a l’urna na dovra quai tenor il contract da fusiun betg. Pir a partir da l’auter onn cura che la nova constituziun da la vischnanca Surses va en vigur, dovra quai per affars sur in milliun ina votaziun a l’urna.

Artitgels legids il pli savens