Siglir tar il cuntegn

Grischun Central Recepts dal hotel Piz Platta n’èn nagin misteri pli

L’ustier Werner vom Berg da la chamona Piz Platta sin l’Alp Flex/Sur ha edì in cudesch. «Sehnsucht Alp Flix» è ina cumbinaziun da recepts e da fotografias da l’Alp Flex, ch’il cuschinier e fotograf passiunà ha fatg ils davos sis onns sin l’Alp Flex.

Legende: Video L’ustier Werner vom Berg ha edì in cudesch cun fotos e recepts abspielen. Laufzeit 2:51 Minuten.
Or da Actualitad video dals 08.09.2015.

Motivà da far il cudesch è Werner vom Berg vegnì entras ses giasts, ch’han adina puspè vulì savair sco ch’el cuschina ses tratgs en si’ustaria. Plinavant saja bel da far public ina bella selecziun da las fotografias dals davos sis onns da differentas stagiuns, ha ditg Werner vom Berg.

A pled en il cudesch vegnan era differents giasts da l’ustier, che raquintan da lur relaziun cun l’Alp Flex. La vernissascha dal cudesch è dumengia saira ils 13 da settember en la chamona Piz Platta. Il suentermezdi datti chant cun chanzuns popularas rumantschas en surmiran, sutsilvan, sursilvan, vallader e puter, cun Corin Curschellas.