Siglir tar il cuntegn

Header

cuntegn

Grischun Central Reavertura dal Hotel Edelweiss

L’hotel Edelweiss/Alp Flex a Sur ha novs ustiers. Maria e Ralph Hochstrasser, ch’han manà ils davos dus onns l’ustaria al lai da Marmorera, avran las portas a Sur ils 17 da december. Il pèr banduna Marmorera perquai che l’ustaria a Marmorera è vegnida vendida.

audio
Hotel Edelweiss a Sur avra puspè sias portas
ord Total local dals 09.11.2016. Maletg: RTR, Federico Belotti
laschar ir. Durada: 2 minutas 39 Secundas.

Durant bun in onn è l'hotel Edelweiss cun in’ustaria chinaisa a Sur stà serrà. Ussa han Maria e Ralph Hochstrasser suttascrit in contract da fittanza da tschintg onns.

Sco quai ch’els han ditg, vulan els puspè purtar in pau «rambazamba» en la val. Uschia duai dar concerts cun live-bands. Dasperas ils indigens veglian ins er attrair fans da motors ed organisar inscunters da töf e d’autos.

Ralph e Maria Hochstrasser bandunan l'ustaria a Marmorera, ch'els han manà ils davos dus onns e mez.
Legenda: Ralph e Maria Hochstrasser bandunan l'ustaria a Marmorera, ch'els han manà ils davos dus onns e mez. RTR, F. Belotti

L’hotel Alp Flex ha diesch chombras da pernottar, che duain vegnir affitadas per pretschs favuraivels. La cuschina duai esser sumeglianta sco gia en l’ustaria a Marmorera, e sco spezialitad duai dar gulasch da l’Ungaria, cuschinà da Maria Hochstrasser, ch’è oriunda da l’Ungaria.

RR actualitad 11:00

Artitgels legids il pli savens