Siglir tar il cuntegn

Header

cuntegn

Grischun Central Reavertura dal bogn en Val Schons

Il bogn da cura d’Andeer ha renovà il bogn per dus milliuns francs. Suenter ch’il bogn è stà serrà dus mais, avra el puspè ils quatter da zercladur.

audio
Saira: Bogn Andeer - reavertura suenter renovaziun
ord Actualitad dals 03.06.2016.
laschar ir. Durada: 3 minutas 2 Secundas.

La renovaziun è vegnida finanziada cun in emprest da 740’000 francs senza tschains sur diesch onns dal chantun, ina contribuziun a fond-perdu dal chantun da 125’000 francs, in’ipoteca da la banca chantunala da 965’000 francs e cun agens meds da 200’000 francs.

Sco quai ch’il president dal cussegl d’administraziun dal Bogn da Schons Andeer, SA Gion J. Fravi, scriva en il rapport annual, saja quai ussa stà il dretg mument da far renovaziuns en il bogn che ha 35 onns.

Uss suenter la renovaziun ins speria, da puspè gudagnar dapli giasts. Surtut geniturs cun uffants pitschens pudessi dar dapli suenter adattaziuns vi dal bogn.

Signal positiv - malgrà la perdita dad entradas

audio
Bogn Andeer investischa
ord Actualitad dals 28.05.2016.
laschar ir. Durada: 1 minuta 55 Secundas.

Il davos onn da fatschenta ha il bogn puspè pers bleras entradas. Quellas èn sa sminuidas per 8’855 entradas sin 71’717, tge che munta in minus da 11%. Positiv saja, che l’emprim quartal dal 2016 n'haja quai dapi quatter onns betg pli dà ina sminuziun, uschia Gion J. Fravi.

RR actualitad 17:00

Artitgels legids il pli savens