Siglir tar il cuntegn
cuntegn

Grischun Central Realisaziun da cursa mundiala da biatlon è in pass vinavant

La radunanza communala da la vischnanca da Lantsch ha approvà differentas pretensiuns per obtegnair la licenza A per pudair realisar cursas da la cuppa mundiala da biatlon.

In currider da biatlon.
Legenda: L'aquist da la licenza A da biatlon è vinavant in pass. Keystone

Suenter che Lantsch aveva survegnì la licenza B da biatlon l’atun passà, ha la vischnanca decis d’approvar intginas mesiras da construcziun. Quellas èn necessarias per obtegnair la licenza A da l’Uniun internaziunala da biatlon IBU.

Ils detagls cumpiglian:

  • in contract da servitut cun la Nordic & Biathlon SA. Il dretg da construcziun vala fin il 2075. Uschia po vegnir construida la chasa da manaschi «Nordic House» per l’arena da biatlon.
  • In credit da 375’000 francs per 2 sutpassadis, in indriz sanitar e pitgas da bandieras.
  • in auzament dal capital d'aczias da 150'000 francs da la Nordic & Biathlon SA. Il capital d'aczias vegn surpiglià da la vischnanca da Lantsch.
  • in contract da fittar dals indriz da sajettar e dal manaschi correspundent cun la Nordic & Biathlon SA. Quel è vegnì approvà per 10 onns.

RR novitads 07:30