Razén po far amortisaziuns da passa 500'000 francs

Il quint 2015 da la vischnanca da Razén serra cun in surpli da 212’475.99 francs, quai tar expensas da radund 6,6 milliuns francs. Quai lubescha da far amortisaziuns extraordinarias da pli ch'in mez milliun francs, sco la vischnanca da Razén scriva.

Visavi ils debits per chau da 313 francs dal 2014 hai uss dà ina facultad per chau da 399 francs. Il quint d’investiziun serra cun in surpli da 168’569.95 francs. Las expensas muntan a 1,111 milliuns francs, las entradas a 1,279 milliuns francs.

Dapli daners per sanar tschiffaballas

Ils da Razén han ultra da quai approvà tuttas midadas da lescha unanimamain. Quellas ha la vischnanca stuì far en connex cun l’introducziun da model da direcziun ch’era vegnì approvà ils 12 d’avrigl 2016.

La radunanza communala da Razén a plinavant approvà la gievgia saira in credit supplementar da 168’000 francs per sanar ils tschiffaballas dal stan da sajettar.

RR novitads 12:00