Siglir tar il cuntegn
cuntegn

Grischun Central Quint annual da Lantsch serra cun bun surpli

La vischnanca da Lantsch ha fatg il 2016 in gudogn da radund 180'000.- francs. La radunanza communala ha approvà il quint e tranter auter concedì in credit per la sanaziun da la serenera.

Il vitg Lantsch cun la tabla all'entschatta dal vitg.
Legenda: Il quint dal 2016 da Lantsch serra cun in surpli da radund 180'000.- francs. RTR, B. Jenal

Il quint annual 2016 da la vischnanca da Lantsch serra cun in surpli dal retgav da bun 180'000.- francs. La radunanza communala ha approvà la mesemna saira il quint.

Credit per sanar la serenera

La radunanza communala da Lantsch ha plinavant approvà in credit da bunamain 1,2 milliuns francs per sanar la serenera Casti. Quella è dapi il 1991 en funcziun e nettegia l’aua persa da la vischnanca Lantsch e dals vitgs Alvaschagn, Mon, Stierva, Casti e Vazarouls da la vischnanca Alvra.

Plinavant han ils da Lantsch concedì in credit da 105’000.- francs per l’engrondiment da la garascha Alp Bual. Era per il conduct per aua da plievgia e naiv ha la radunanza communala concedì in credit da 360’000.- francs.

RR novitads 09:00