Siglir tar il cuntegn

Header

Navigaziun

Sepp Waldegg, il hotelier dal Piz Mitgel a Savognin.
Legenda: Sepp Waldegg, il hotelier dal Piz Mitgel a Savognin. RTR, F. Belotti
cuntegn

Grischun Central "Quasi naginas reservaziuns per la stad"

La situaziun actuala da l'Hotel Piz Mitgel n’è betg buna. Il mument n'ha l'hotel prest naginas dumondas novas dad esters.

«Nus n’avain prest naginas dumondas novas dad esters il mument. E da quels ch’eran, ha la mesadad ditg giu las vacanzas», di Sepp Waldegg e fa quitads per la stad.

Lieus sco Savognin vivian da gruppas da pajais, sco per exempel da la Germania e da l’Ollanda, di Sepp Waldegg. Actualmain ins na sappia betg, sche las gruppas ch’han prenotà per la stad vegnian alura propi. Ins saja vid contractar ils organisaturs da viadis da l’exteriur, per che quels possian porscher megliers pretschs per far vacanzas en Svizra.

Sche nus purtain la mesadad ed ils organisaturs la mesadad da la perdida da l’euro, alura è quai ina buna soluziun per tuts.
Autur: Sepp Waldegghotelier a Savognin

Ma in grond spazi da sbassar ins n’haja betg, ils pretschs sajan gia fitg bass. Tuttina guarda Sepp Waldegg positiv en l’avegnir: Ins haja gia fatg tras autras crisas, ed actualmain saja il curs da l’euro gia puspè vegnì in pau meglier.