Siglir tar il cuntegn

Header

Navigaziun

Legenda: Guardar il video Punts tranter architectura e turissem. Durada 02:19 minutas.
Or da Telesguard dals 30.03.2017.
cuntegn

Grischun Central Punts tranter architectura e turissem

L’architect spezialisà sin punts Jürg Conzett ha dissegnà las duas novas punts en la profunditad da la chavorgia spectaculara Viamala. Be grazia a lavur da precisiun cun in’autocrana è quai stà pussibel da montar las punts che custan 150’000 francs e che duajan tegnair per ils proxims 150 onns.

Punctual sin l’avertura da la stagiun procuran duas punts novas per in flair d’architectura elegant giu en las chavorgias gruglias da la Viamala. Las duas passarellas èn da l’inschignier grischun Jörg Conzett ch'ha gia construì las punts spectacularas da Traversina e Suransuns sin la senda da viandar tras la Viamala. Il nov magnet da visitaders ch’è vegni construì ord atschal cromà e lain laresch custa 150’000 francs e duai tegnair almain per ils proxims 150 onns.

Gia avant 114 onns ha l'uniun da cura da Tusaun cumenzà a far accessibla la Viamala per visitaders. Avant trais onns han ins installà in nov center per ils visitaders. Sco Stefan Kunfermann da Viamala Turissem di, sper'ins da pudair carmalar sper turists er fans da punts ed architectura en la chavorgia per guardar las punts da Jürg Conzett.

Ord l'archiv da RTR

RR actualitad 17:00