Siglir tar il cuntegn
Inhalt

Grischun Central Project Lai Barnagn è bloccà

Il project Lai Barnagn a Savognin ha retard. Cunter il project turistic cun bogn, hotel e ressort da vacanzas è vegnì inoltrà in recurs a la dretgira administrativa dal Grischun.

Fotomontascha dal project hotel da wellness e resort da vacanzas Viols a Savognin.
Legenda: Fotomontascha dal project hotel da wellness e resort da vacanzas Viols a Savognin. mad

Quai communitgescha la vischnanca da Savognin. Avant che pudair entrar en tractativas liantas cun ils investiders haja la vischnanca ussa da reglar l'emprim quest recurs, uschia fa da savair la vischnanca. Quant temp che quai dovria na saja il mument betg enconuschent.

Sper il Li Barnagn èsi previs da construir in bogn ed hotel. L'hotel è en il segment da 3 stailas ed ha radund 240 letgs. Il ressort da vacanzas cumpiglia 8 chasas cun total 96 abitaziuns, respectiv circa 400 letgs.