Siglir tar il cuntegn

Grischun Central President dals pestgaders dat giu uffizi

Pervi da la limitaziun d’uffizi da 15 onns sto Rudolf Gerhard da Bravuogn, il president da la Federaziun grischuna da pestga, dar giu ses uffizi. A la radunanza da delegads dals 21 d’avrigl a Malögia duai Meinrad Hofstetter vegnir elegì sco nov president.

Rudolf Gerhard dat giu il presidi.
Legenda: Rudolf Gerhard dat giu il presidi. RTR, Federico Belotti

Sco quai che Rudolf Gerhard ha ditg sin dumonda dal schurnal regiunal da SRF, saja el cuntent cun quai ch’el haja cuntanschì ils davos 15 onns. Uschia haja el pudì organisar ina bella festa da giubileum da 100 onns en ses temp d’uffizi ed era la problematica da las auas restantas dals lais da fermada saja vegnida meglier. Grond potenzial vesa el tar la giuventetgna. Qua dettia anc grond potenzial da gudagnar novs commembers.

Tenor Rudolf Gerhard èn il mument organisads circa 2'500 pestgaders dals radund 5'500 pestgaders en il Grischun, ha ditg Rudolf Gerhard.

RR actualitad 08:00