Siglir tar il cuntegn
Inhalt

Grischun Central Premi d'innovaziun per il guaud magic a Lai

L’Uniun d’artisanadi e mastergn dal Grischun ha surdà il premi d'innovaziun da quest onn al guaud magic a Lai. Il premi è dotà cun 3'000 francs.

Ils dus iniziants Giancarlo Palioppi e Primo Berera engrazian per il premi d'innovaziun.
Legenda: Ils dus iniziants Giancarlo Palioppi e Primo Berera engrazian per il premi d'innovaziun. RTR, Gionduri Maissen

Il project è vegni undrà sco project ch'ha in grond effect sin la reputaziun da la destinaziun da Lai, ch'haja fatg enconuschent la destinaziun en l’entira Svizra e l’exteriur. Sco ils iniziants han punctuà saja era da suttastritgar la collavuraziun cun la scolas da la vischnanca, quella haja gronda impurtanza. Per quest motiv vulan els surdar ils 3'000 francs dal premi a la scola da Lai.

Da san: Giancarlo Palliopi, Urs Schädler, Baseli Werth, Primo Berera.
Legenda: Da san: Giancarlo Palliopi, Urs Schädler, Baseli Werth, Primo Berera. mad

RR novitads 18:00