Siglir tar il cuntegn
Inhalt

Grischun Central Post da marenda è segir da l’urs

Sin l’alp Falein sur Filisur è vegnì avert l’emprim «Post da marenda». En in kiosc da self service datti products da la regiun e bavrondas, scriva il Parc Ela en ina communicaziun.

Wolfgang e Gina Schutz, Irene Schuler, Uniun Parc Ela und Max Barandun, manader da constucziun, davant il post da marenda.
Legenda: Wolfgang e Gina Schutz, Irene Schuler, Uniun Parc Ela und Max Barandun, manader da constucziun. mad

Il post da marenda sa chatta tar l’acla da Heidi. I sa tracta d’ina chasina da lain. L’energia per la frestgera deriva da forza d’aua che vegn producida al lieu. Per auters lieus futurs pon era vegnir installads panels solars sin il tetg. Plinavant è il post da marenda segir da l’urs. Il kiosc è vegnì construì da la Uffer SA da Savognin sin incumbensa dal Parc Ela.