Siglir tar il cuntegn
cuntegn

Grischun Central Pliras generaziuns sut in tetg a Masagn

A Masagn van a fin las lavurs da la chasa da generaziuns. A partir da l’emprim da fanadur pon vegnir retratgas las emprimas abitaziuns. Trais da sis abitaziuns èn gia affittadas. L’idea è d’unir famiglias giuvnas e veglias sut in tetg. L’agid a buna vischinanza duai avair prioritad.

Bajegià la chasa da generaziuns ha la societad cooperativa «Generationenhaus Masein». La construcziun da la chasa custa 2’576’000 francs. Agid finanzial datti da la vischnanca da Masagn: Ella ha pajà 480’000 francs ed ha mess a disposiziun terren da bajegiar senza tschains en la valur da 200’000 francs.

Agid finanzial hai era dà da la fundaziun AGE, che sustegna purschidas innovativas d'abitar per seniors. Plinavant gida in mecen a finanziar la chasa ed era la fundaziun da SIDA ha dà ina contribuziun. Agid da bancas n’hai betg duvrà.

RR actualitad 17:00