Siglir tar il cuntegn

Grischun Central PLD Surses cun quintet en cumbat electoral

La Partida liberaldemocratica da Surses ha nominà a Riom 5 candidats per las elecziuns communalas da la nova vischnanca Surses.

vista en il surses
Legenda: La PLD da Surses ha pront ses candidats per las elecziuns communalas da la nova vischnanca Surses. RTR, P. Plaz

Sper Leo Thomann e Toni Sonder, ch'avevan gia annunzià lur candidaturas, candideschan era Franco Poltera da Tinizong, Bruno Salis e Giancarlo Torriani, omadus da Beiva. Quai rapporta l'agentura da novitads rumantscha.

Leo Thomann, l’anteriur deputà vul daventar l’emprim mastral da la vischnanca. Quai era gia enconuschent pli ditg. El resta enfin uss l’unic che candidescha per l’uffizi dal president da vischnanca. Ils ulteriurs candidats da la PLD cumbattan per in sez en la suprastanza. Sper ils 4 candidats da la PLD èn enconuschentas fin ussa 4 ulteriuras candidaturas per la suprastanza.

RR novitads 8:00