Siglir tar il cuntegn
cuntegn

Grischun Central Peter Nicolay resta president da vischnanca da Bravuogn

La vischnanca da Bravuogn ha reelegì ses president per in'ulteriura perioda d'uffizi. Peter Nicolay ha gudagnà il cumbat electoral cunter Stefan Mettier.

Peter Nicolay il 2012 sco nov elegì president communal da Bravuogn.
Legenda: Peter Nicolay è vegni reelegì cun 69 vuschs, ses cuntracandidat Stefan Mettier ha fatg 29 vuschs. RTR, Tona Poltera

La radunanza communala da Bravuogn ha elegì Peter Nicolay cun 69 vuschs. Il cuntracandidat Stefan Mettier survegn 29 vuschs. Tuttina è Mettier vegnì elegì en suprastanza e quai sco vicepresident cun 73 vuschs.

La suprastanza è vegnida reelegida cleramain. Christian Schmid è vegnì elegì cun 90 vuschs, Riet Schmidt cun 88 vuschs. Da nov en suprastanza è vegnì elegì Curdin Fliri cun 90 vuschs.

Era ha la radunanza communala da Bravuogn reelegì cleramain la cumissiun da gestiun.

Vinavant è vegnì approvà las tariffas d’energia 2017, sco era l’ordinaziun da salarisaziun. Ils da Bravuogn han era decis da laschar il pe da taglia sin 130% da la taglia chantunala simpla.

RR novitads 15:00