Siglir tar il cuntegn
Inhalt

Grischun Central Pendicularas Savognin cun rapport annual cuntentaivel

Las Pendicularas da Savognin SA han preschentà la sonda a la radunanza d’acziunaris il rapport annual dal 2014/2015. Las pendicularas han fatg in retgav dad 8.64 milliuns francs, quai èn passa 110'000 francs u 1.3% pli pauc che l’onn da gestiun avant

203 acziunaris han visità la radunanza generala dals acziunaris da las Pendicularasd da Savognin SA.
Legenda: 203 acziunaris han visità la radunanza generala dals acziunaris da las Pendicularasd da Savognin SA. RTR/fb

Sco quai che Anton Schmidl, il vicepresident dal cussegl d’administraziun da las pendicularas da Savognin ha ditg, saja il resultat fitg cuntentaivel – sch’ins resguardia las circumstanzas actualas dal franc ferm e la pauca naiv da Nadal. Ins haja empruvà da spargnar custs nua ch’i gieva.

L’enviern passà è il dumber d’emprims giasts sa reducì per 8.8% (200'000 persunas), il progress il pli grond haja quai dà en las ustarias da muntogna e las bars, che las pendicularas mainan sin agen quint. La svieuta è sa reducida per 9.3%, quai èn bun 190'000 francs tar in total da radund 2.4 milliuns francs.