Top-modern sistem da bigliets
In chip u ina app sin il telefonin che registrescha tut ils cust – da la carta dal di, sur il gentar fin tar il café avess quella app registrà ed era gist debità las expensas sin la carta da credit. Introducir quest nov sistem vulevan las Pendicularas da Lai atgnamain sin questa stagiun d’enviern. Quai è dentant tecnicamain betg stà pussaivel, ha il directur Peter Engler confermà al schurnal regiunal da radio SRF.
Cumprar bigliets online è pli favuraivel
L'idea da vender bigliets oravant tut online, quella resta. Ed ils pretschs duain esser flexibels. Quai vul dir, tgi che vul pajar pauc sto reservar ad uras ina carta dal di u ir durant l’emna cun skis. Detagls vegnan preschentads la proxima emna a chaschun da la radunanza generala da las Pendicularas da Lai.
RR novitads 17:00