Siglir tar il cuntegn

Grischun Central Pendiculara nova per Curvalda

Las lavurs da construcziun da la nova pendiculara a Curvalda èn a fin. Sco quai che las Pendicularas da Lai scrivan, va la nova pendiculara da panorama Heidbüel en funcziun la sonda, ils 5 da december.

Uschia sa preschentan las novas cassas a Curvalda.
Legenda: Uschia sa preschentan las novas cassas a Curvalda. mad

Glindesdi, ils 30 da november han las Pendicularas da Lai survegnì la lubientscha da manaschi per la nova pendiculara, che duai da nov valair sco portal d’entrada en il territori da skis da Lai per quels che vegnan si da Cuira. Las pendicularas che porschan mintgamai plaz ad 8 persunas transporteschan ils sportists d’enviern en il Stätzertäli en 5 minutas. En la staziun da val datti ina nova ustaria, ina butia da sport, in biro turistic ed ina scola da skis. Ina festa d’inauguraziun datti ils 19./20. da december.

Traversar pli simpel tranter il Piz Scalottas ed il Corn Cotschen

En il decurs dal december avra era la la nova sutgera Obertor, che colliescha il territori da l’ost cun quel dal vest. En tut han las pendicularas da Lai investì 20 milliuns francs en ils dus novs implants.