Siglir tar il cuntegn
cuntegn

Grischun Central PCD vul ina halla multifuncziunala a Lai

La halla polivalenta a Lai na correspunda betg a las pretensiuns dad ozendi. Da quest avis è la Partida cristiandemocratica locala da Vaz. Ella ha perquai inoltrà ina moziun che pretenda la construcziun d’ina halla nova.

Sesida dal cussegl communal da Vaz.
Legenda: Il cussegl communal da Vaz lascha sclerir il basegn d'ina halla multifuncziunala. RTR, F. Belotti

Actualmain vegn la halla polivalenta da Lai duvrada per da tuttas occurrenzas grondas. En emprima lingia è ella ina halla da gimnastica per scolars ed uniuns da sport. Ella è però er il sulet bajetg en la regiun, che porscha plaz per occurrenzas grondas, concerts e represchentaziuns da teater.

La PCD locala da Vaz n’è betg cuntenta cun il status quo. Tenor ella saja quai grev d'unir tut ils interess. Uschia na possia la halla durant occurrenzas grondas betg vegnir duvrada per il sport. Era l’acustica en la halla na saja betg buna.

Il cussegl communal da Vaz ha incumbensà la suprastanza da sclerir, sch’i fa da basegns da construir ina halla multifuncziunala per las differentas occurrenzas.

RR Novitads 06:00