Siglir tar il cuntegn
cuntegn

Grischun Central Pausadi Viamala marscha bain

Il pausadi Viamala a l’autostrada a Tusaun ha fatg l’onn da fatschenta 2017 in gudogn da 220’143 francs. Sco quai ch’il cussegl d’administraziun scriva a las medias, munta la svieuta a 7’483’954 francs. Quai è in plus da 5.4% en congual cun l’onn avant.

Tranter auter è era vegnì vendì dapli carburant.
Legenda: Tranter auter è era vegnì vendì dapli carburant. mad

In plus da la svieuta han fatg tut las spartas dal pausadi: L’ustaria ha gudagnà 2.8%, il shop 2.1% e la vendita da carburant 2.5%. Quest onn festivescha il pausadi da Tusaun ses giubileum da diesch onns. Venderdi saira ils otg da zercladur datti ina festa da giubileum, sco giast d’onur è envidà il president da la regenza grischuna Mario Cavigelli.