Sco quai ch’il president communal da Surses Leo Thomann ha ditg, hajan las novas directivas da Surses che valan dapi ils 16 da matg, chaschunà differentas reacziuns. Quellas vegnian ussa rimnadas, uschia ch’i pudess en in mez onn magari dar midadas vi da las uras d’avertura.
Las mesiras
Impurtant saja, ch’ils lieus da dismessa da rument sajan survegliads, perquai che sin deponias senza surveglianza na vegnia la rauba savens betg zavrada endretg. Cun limitar las pussaivladads da dismetter rauba, ins possia ultra da quai lavurar pli effizient. A persunas che n’èn betg mobilas, gidia la vischnanca sin dumonda a dismetter il chartun ed il palpiri.
RR actualitad 06:00