Siglir tar il cuntegn

Header

audio
President Urs Baselgia sa legra da la cursa reala, suenter la cursa digitala 2021.
Or da Actualitad dals 12.01.2022.
laschar ir. Durada: 02:45 minutas.
cuntegn

Passlung a Lai Il «Planoiras» attira olimpionics

Dumengia proxima ha lieu la 37avla cursa populara Planoiras. Da la partenza èn tranter auter era dus passlunghists da la Mongolia. Dapi dus mais treneschan els a Lai – il Planoiras è per els la davosa cursa avant ils gieus olimpics a Peking.

Enfin ussa sajan radund 160 persunas s’annunziadas al Planoiras, ha ditg il president dal comité d’organisaziun Urs Baselgia. Da la partida saja er la victura dal davos Planoiras, Seraina Kaufmann, ed Ilja Tschernussow, il davos victur. Il star da mountainbike Nino Schurter na possia questa giada betg esser da la partida, perquai ch’el saja en l’Africa dal Sid.

Grazia a 3G po cursa avair lieu quest

L’onn passà è la cursa da Planoiras vegnida annullada pervi da corona. Igl aveva dà sulet ina cursa digitala senza rangaziun, nua ch’ins ha pudì mesirar il temp. Quest onn duai la cursa avair lieu, grazia a la regla da 3G – quai che munta che las participantas ed ils participants ston esser vaccinads, guarids u testads sin corona. Fans na dovran nagin certificat. Urs Baselgia na quinta dentant betg ch’i dettia blers fans. En tut quintan ils organisaturs cun tranter 300 fin 350 aspectaturs ed aspectaturas al Planoiras.

RTR actualitad 08:00

Artitgels legids il pli savens

Scrollar a sanestra Scrollar a dretga