Siglir tar il cuntegn
cuntegn

Grischun Central Parc Ela vul daventar pli enconuschent

L’Uniun Parc Ela ha preschentà la mesemna saira sia nova campagna «ELAnavant». Il parc Ela vul vegnir anc pli datiers als purtaders ed a la populaziun.

La co-vizepresidenta Gianna Luzio ha manà tras la radunanza da commembers dal Parc Ela.
Legenda: La co-vizepresidenta Gianna Luzio ha manà tras la radunanza da commembers dal Parc Ela. RTR, F. Belotti
Ils commembers da l'Uniun Parc Ela èn sa fatschentads cun il futur dal parc.
Legenda: Ils commembers da l'Uniun Parc Ela èn sa fatschentads cun il futur dal parc. RTR, F. Belotti

Il Parc Ela vul involver anc pli ferm ils giavischs dals purtaders da l’economia, turissem e da la populaziun. Il Parc Ela stat a disposiziun ad interpresas e privats, che vulan sviluppar in product en connex cun il parc.

Cun la campagna ELAnavant vul il parc guardar cun ils interessads, nua ch’i dat anc potenzial per sa sviluppar. Per exempel porscha il Parc Ela ina scolaziun, nua che hotels pon emprender, co ch’ins po manar a moda persistenta in hotel, u sin tge puncts ch’in hotel sto guardar, sch’el vul porscher offertas en connex cun la natira e la cultura.