Per far enconuschent meglier il mund dals insects, sa deditgescha il program da stad da quest onn dal Parc Ela als insects. In dals temas èn ils pavigliuns d'inscunter. L’emprim duessi dar a Bravuogn, ils proxims onns duain suandar pavigliuns er a Bivio, Savognin, Lantsch ed Alvaschagn.
L’emprim dals pavigliuns d'insects planisads, exista il mument sin skizzas e sco pitschen model. Il pavigliun che vegn installà l’october da quest onn dasperas il Hotel Kurhaus a Bravuogn, consista or da sis pitgas da laresch che ston anc vegnir elavuradas. Ellas vegnan cun il conturn cun ina muntogna da crap a dar in spazi da viver a divers insects.
1 / 3
Legenda:
Mirko Baselgia en ses atelier ad Alvaschagn dasperas ils emprims blocs da lain per ses pavigliun a Bravogn.
Federico Belotti
2 / 3
Legenda:
Uschia pudessi l'auter onn vesair ora a Bivio.
Federico Belotti
3 / 3
Legenda:
La skizza dal pavigliun che vegn installà quest atun a Bravuogn.
Federico Belotti
Deditgà è il pavigliun al Parnassius apollo, in spler periclità e protegì ch’è era gia vegnì vis a Bravuogn. Il pavigliun duess simbolisar il tempel Apollon a Delphi en Grezia a l’ur da la muntogna Parnass. E quel tempel, ch’è responsabel per il num dal spler Parnassius apollo, vul l’artist Mirko Baselgia ussa purtar en il Grischun, e quai en la dimensiun da 1:4, cun ina dimensiun da 5.95 x 15 meters.
audio
Mirko Baselgia creescha spazi da viver per insects
