Il project cun il num «Traversina» prevesa la collavuraziun da las quatter organisaziuns da sanadad: l'Ospital e la chasa d'attempads a Tusaun, il center da tgira Glienda ad Andeer e la Spitex Viamala.
Sco quai che las organisaziuns communitgeschan è la finamira surtut da rinforzar il provediment da sanadad decentral. Ultra da quai veglian ins optimar la qualitad ed er ils custs.
L'idea è vegnida l'onn 2013 entras il concept directiv per l'organisaziun dal provediment da sanadad en il chantun. Ils auturs da quest concept eran vegnids a la conclusiun ch'il provediment da sanadad stoppia esser garantì en l'entir chantun per ch'ins possia er vinavant abitar en lieus decentrals en il Grischun.
La regiun d'ospital da Tusaun cumpeglia las valladas, la Mantogna en Tumleastga, la val Schons, la Valragn, la val d'Avras e la val d'Alvra.
RR novitads 6:00