Ospital Savognin: Midadas en ils gremis directivs

La radunanza generala dal Center da Sanadad Savognin SA ha elegì Leo Thomann en il cussegl d’administraziun. Il president communal da Surses remplazza Filip Dosch. Nov commember da la direcziun è Stephan Remer, che daventa commember da la direcziun e nov manader dals medis.

L'ospital e la chasa d'attempads a Savognin.

Legenda da maletgs: L'ospital e la chasa d'attempads a Savognin. mad

Sco quai ch’il Center da Sanadad Savognin SA scriva en ina communicaziun, haja la radunanza generala dals 9 da zercladur approvà il rapport da gestiun ed il rapport da gestiun 2015. Il retgav da gestiun munta a 11’591’378 francs, ed è cun quai 2.3% pli aut che l’onn avant. L’agen chapital è s’augmentà per 1’440’162 francs sin 8’520’558 francs. Quest bun resultat saja tranter auter vegnì cuntanschì entras in’annullaziun da la rata da basa da DRG, scriva il Center da Sanadad Savognin.

Pli grond emploiader da la regiun

Per l'ospital e la chasa d’attempads a Savognin lavuran actualmain radund 125 persunas cun in pensum da 81.5 plazzas cumplainas. Cun quai è il Center da Sanadad Savognin SA il pli grond emploiader dal Surses.

RR novitads 06:00