Siglir tar il cuntegn

Header

Navigaziun

Ina scnea dal teater la regina da Saba.
Legenda: Sut la marella scientifica - il gieu al liber "La regina da Saba" sco object da studi. Keystone
cuntegn

Grischun Central Origen sut la marella scientifica

3 universitads svizras s’occupan actualmain cun l’instituziun culturala Origen. Quai resulta dad ina communicaziun dad Origen.

L'intent da l'intendant dad Origen, Giovanni Netzer, è tenor sia communicaziun dad etablir Riom sco campus ed Origen sco object da studi.

Las 3 scolas autas svizras e lur projects èn:

Gion A. Caminada en viadi scientific a Riom
Legenda: Gion A. Caminada en viadi scientific a Riom - la ETH perscrutescha sin il lieu. mad

Sut la bachetta da l’architect grischun Gion A. Caminada da la Scola politecnica federala a Turich, la ETH, s'han occupads studentas e students da novas furmas d’abitar en la substanza architectonica da la vischnanca da Riom.

Lur lavurs vegnan expostas la metà da zercladur a Riom.

La professura Liliana Heimberg da la Scola auta turitgaisa dals arts ZHdK perscrutescha cun sias studentas ed ils students en il rom dad ina lavur davart festivals al liber svizzers las represchentaziuns da la «Regina da Saba».

Ils resultats vegnan documentads en in’installaziun

Vista sin in'installaziun cun costums da teater.
Legenda: Installaziun da costums - in ulteriur aspect da la stad da festival dad Origen. Keystone

Professer Andreas Hertner da l’Universitad da Son Gagl HSG vegn a far en avrigl cun 20 studentas e students ina emna da project davart la tematica «Cultura da festival – festival da cultura».

 

RR novitads 15:00