Siglir tar il cuntegn
cuntegn

Grischun Central Onn difficil per pendicularas Lai

Las pendicularas da Lai han gì in onn difficil. La segunda giada en successiun scrivan las pendicularas cifras cotschnas. Sut il stritg resultan sperditas da 2,1 milliun francs.

cabinas cun scrit lenzerheide ed arosa
Legenda: Era la creschientscha da transports cun la colliaziun cun Arosa n'ha betg pudì midar il deficit da record da las pendicularas da Lai. Johannes Fredheim

I na saja betg ina situaziun d'urgenza, mabain sajan las finanzas difficilas, communitgescha il president dal cussegl administrativ Christoph Suenderhauf. Cun l'infrastructura moderna e collavuraturs motivads veglian las pendicularas però dar dumogn a las sfidas.

Malgrà creschientscha da la stad ed augment d'entradas tar la colliaziun cun Arosa, è la svieuta totala sa reducida per 1,2% a 26,25 milliuns francs. Suenter tschains ed amortisaziuns (EBITDA) è la sperdita glischnada sin in bass da record da 7,7 milliuns francs.

Dapli entradas mo la stad

Sco fatg positiv numnan las pendicularas che las fatschentas da stad sajan creschidas. Grazia a focussar sin il sport da bike, hajan ins pudì surpassar las cifras da stad da l'onn passà per 2,4% sin 1,6 milliuns francs. In dagut en la mar, perquai che las fatschentas da stad fan mo ina cumpart da 7% da las entradas totalas, vul dir: sur l'entir onn.

Cun optimissem en l'avegnir

En l'avegnir van las pendicularas però cun otpimissem. Ins sa sentia preparà bain, scrivan las pendicularas. Las grondas investiziuns sajan fatgas. Ils ultims 10 onns han investì las pendicularas tenor atgnas indicaziuns radund 140 milliuns francs en novs cundrizs, ennevar ed en la restauraziun.

RR novitads 06:00