Siglir tar il cuntegn
Inhalt

Grischun Central Occupà gia in quart da las plazzas da praschun

Radund 110 persunas vegnan a lavurar en il nov stabiliment giudizial serrà Realta a Cazas. 30 emploiads dal Sennhof fan midada, cun els era la directura actuala, Ines Follador-Breitenmoser, che daventa nova directura da la praschun.

Davos quests mirs vegnan a lavurar radund 110 persunas.
Legenda: Davos quests mirs vegnan a lavurar radund 110 persunas. RTR, Federico Belotti

Sco quai che Mathias Fässler, il directur da l’uffizi per l’execuziun giudiziala ha ditg, vegnian proximamain scrittas ora dus plazzas da cader dal sectur assistenza e segirtad. Quellas persunas sajan lura era responsablas per occupar las ulteriuras radund 80 plazzas. Fässler quinta ch’enfin la primavaira da l’auter onn avessan tut las 110 plazzas d’esser occupadas.

L’avertura da la praschun è previsa sin la fin dal 2019. Quella porscha plaz a 152 praschuniers da l’entira Svizra Orientala.

RR actualitad 17:00