Siglir tar il cuntegn

Header

cuntegn

Grischun Central Nufenen – collisiun frontala cun in grevblessà

Sin la via d'autos A13 hai dà glindesdi suentermezdi ina collisiun frontala tranter dus autos da persuna. In automobilist da passa 90 onns è blessà grevamain.

Sco quai che la polizia chantunala scriva è in automobilist tudestg da passa 90 onns charrà en direcziun Valragn. A Nufenen vegn il traffic manà sper in plazzal or.

Ord motivs anc betg enconuschents è l'automobilist vegnì sin l'auter vial e collidà là frontalmain cun in auto. Il pèr tudestg en lez auto è sa blessà levamain.

L’A13 ha stuì vegnir serrada en tuttas duas direcziuns. Tut il traffic è vegnì svià sur la via chantunala. L’andament exact da l’accident vegn examinà, finescha la polizia sia communicaziun.

La segirezza da l’A13 en Valragn è adina puspè in tema. L’onn 2015 avevan las autoritads da quella giada, ils presidents communals da Valragn, Nufenen, Spleia e da Sufers, la deputada Monika Lorez ed il president cirquital ed iniziant Hans Hasler, sa dosta cun ina petiziun per dapli segirtad sin via tar il cusseglier guvernativ Christian Rathgeb.

RR novitads 14:00

Artitgels legids il pli savens