Sco quai che Manuela Seeli la directura da las Pendicularas da Savognin ha ditg, hajan’ins fin oz fatg naiv artifiziala cun radund 130’0000 cubics aua da la Gelgia. La media dals ultims onns è tranter 120’000 e 160’000 cubics aua.
Tenor la directura saja l’investiziun da radund 700’000 francs en ils indrizs da far naiv ed en la staziun da pumpadi sa cumprovada. Cun ils novs chanuns da far naiv en la part sut, saja quai ussa pussaivel da producir naiv cun circa -2 grads sut nulla sche l’umiditad constettia. Pli baud hajan ins anc duvrà -5 fin -6 grads per far naiv, uschia Manuela Seeli.