Siglir tar il cuntegn

Header

audio
Giugar ballape sin il nov pastget artificial persvada
Or da Actualitad dals 14.05.2019.
abspielen. Laufzeit 03:11 Minuten.
cuntegn

Grischun Central Nova plazza da ballape dal CBS plascha

Avant curt è vegnida averta la nova plazza dal Club da ballape Surses a Tinizong. Il pastg vegl han ins remplazzà entras in pastg ibrid che cuntegna 90% tschispet natiral e 10% tschispet artifizial. Sonda ha il CBS giugà cunter Danis-Tavanasa (1:4), ed ils resuns per la nova plazza èn positivs.

Sco quai ch'il president dal CBS Ivan Brenn ha ditg, saja il nov pastg pli resistent ed ins possia cumenzar pli baud la primavaira a giugar ed era suenter ch’i haja pluvì. La nova plazza saja pli dira, ed i saja bel da giugar sin la plazza, ha per exempel ditg in giugader da Danis-Tavanasa. Pli dira è la plazza perquai ch’i dat sut il pastg ina matta che stabilisescha il pastg.

Il nov pastg vesa ora sco in pastg normal.
Legenda: Il nov pastg vesa ora sco in pastg normal. RTR, Federico Belotti

Investiziun gronda

La nova plazza da ballape ha custà 450’000 francs. Da quels custs ha il chantun surpiglià 100’000 francs. Il rest ha la vischnanca da Surses finanzià, ed i ha era dà in’acziun da crowdfunding e vitiers han ils giugaders dal CBS fatg lavur voluntaria.

RR actualitad 08:00